Kuna ni Ramones: "No ania ti adda kaniak, pagyamanak unay. Ti balligi nagun-odko iti pamiliak. Awan pagbabaywak. Agbalin koma a napudno, agtrabaho a nasayaat ken natudio. Dayta. Para kaniak, agballigi amin a tao aniaman a kayatna iti biag manipud kinapudno ken kinasaldet a panagtrabaho..."
[Nabulod dagiti ladawan iti Honolulu Advertiser]
Ngem ania aya ti SAGA Dagiti Sakada?
Nangayed a pakasaritaan ti balligi gaput' nagappuanan. Daniw nga epiko ken/wenno atiddog a sarita maipapan iti balligi dagitoy a sakada.
ITI edad nga otsenta singko, nasidap pay laeng ti panunot idi ni Alejandro Bonilla kadaydi $4.oo a doliar a sueldona iti inaldaw a panagtrabahona iti kataltalonan. Kuna ni Bonilla a kanayon nga agpaw-it idiay Filipinas no maawatna ti sueldona. Napasamak dayta no manon a tawenen ti napalabas.
Kas met ken ni Bonilla, di met nalipatan ni Cipriano Erice, agtawen iti 81, daydi pannakiay-ayam ti grupona iti baseball kontra kadagiti dadduma pay a baseball teams iti plantasion. Kuna ni Erice a dumayo pay ti grupona a mapan agay-ayam iti baseball idiay Ewa agingga iti Waipahu.
Iti biang ni Leonides Ramones, nasin-aw pay laeng met iti lagipna daydi agsangapulo ket pito nga aldaw a panagbiahena iti taaw a naglugan iti barko nga S.S. Maunawili manipud Filipinas a nagturong iti Hawaii. Kunana, daydi a panagbiahena ti nangbalbaliw ti biagna iti agnanayon.
"Naggapuak iti marigrigat a pamilia ken napanak iti Hawaii tapno mangged ken maaddaan ti naraniag a masakbayan," linagip ni Ramones, agtawen iti walopulo.
Karaman dagitoy tallo a lallaki iti nganngani kadagiti uppat a pulo a nabatbati pay a sakada ti Waialua. Isuda ti nabirngasan iti "The Living Legends."
Naawis dagitoy a sakada [mannalon iti Filipinas] tapno agtrabaho kadagiti plantasion ti kaunasan ken kapinyaan ti Hawaii iti nagbaetan ti tawen 1906 ken 1946.
Agpapada da Bonilla, Erice ken Ramones a napan iti Hawaii idi 1946 [makuna a naudi a bansada dagiti sakada a simmangpet iti Hawaii] ken nagtrabaho iti Waialua Sugar Company, dati a Waialua Agricultural Company iti nganngani uppat a pulo a tawen. Nagretiro dagitoy idi 1980s sakbay nga agserra ti kiskisan idi tawen 1996.
Naipaayan ti pammigbig dagiti Waialua Sakadas, a kaaduan kadakuada ti agtawenen iti walopulo.
ITI edad nga otsenta singko, nasidap pay laeng ti panunot idi ni Alejandro Bonilla kadaydi $4.oo a doliar a sueldona iti inaldaw a panagtrabahona iti kataltalonan. Kuna ni Bonilla a kanayon nga agpaw-it idiay Filipinas no maawatna ti sueldona. Napasamak dayta no manon a tawenen ti napalabas.
Kas met ken ni Bonilla, di met nalipatan ni Cipriano Erice, agtawen iti 81, daydi pannakiay-ayam ti grupona iti baseball kontra kadagiti dadduma pay a baseball teams iti plantasion. Kuna ni Erice a dumayo pay ti grupona a mapan agay-ayam iti baseball idiay Ewa agingga iti Waipahu.
Iti biang ni Leonides Ramones, nasin-aw pay laeng met iti lagipna daydi agsangapulo ket pito nga aldaw a panagbiahena iti taaw a naglugan iti barko nga S.S. Maunawili manipud Filipinas a nagturong iti Hawaii. Kunana, daydi a panagbiahena ti nangbalbaliw ti biagna iti agnanayon.
"Naggapuak iti marigrigat a pamilia ken napanak iti Hawaii tapno mangged ken maaddaan ti naraniag a masakbayan," linagip ni Ramones, agtawen iti walopulo.
Karaman dagitoy tallo a lallaki iti nganngani kadagiti uppat a pulo a nabatbati pay a sakada ti Waialua. Isuda ti nabirngasan iti "The Living Legends."
Naawis dagitoy a sakada [mannalon iti Filipinas] tapno agtrabaho kadagiti plantasion ti kaunasan ken kapinyaan ti Hawaii iti nagbaetan ti tawen 1906 ken 1946.
Agpapada da Bonilla, Erice ken Ramones a napan iti Hawaii idi 1946 [makuna a naudi a bansada dagiti sakada a simmangpet iti Hawaii] ken nagtrabaho iti Waialua Sugar Company, dati a Waialua Agricultural Company iti nganngani uppat a pulo a tawen. Nagretiro dagitoy idi 1980s sakbay nga agserra ti kiskisan idi tawen 1996.
Naipaayan ti pammigbig dagiti Waialua Sakadas, a kaaduan kadakuada ti agtawenen iti walopulo.
